ТИЛ

Кошкон | 10.09.2017
ТИЛ — адамдардын байланыш каражаты катары кызмат кылган белгилердин системасы. Т-дин жардамы м-н дүйнөнү таанып билүү ишке ашырылат. Т. табигый ж-а жасалма болушу мүмкүн. Күндөлүк турмушта пайдаланылчу Т. табигый тил деп, ал эми кандайдыр бир өзгөчөлүү маселелерди түшүндүрүүчү, тар чөйрөдө колдонулчу тилди жасалма тил деп аташат. Мисалы, математикалык символиканын тили, физикалык теориялардын тили ж. б. Т.-социалдык кубулуш. Ой-жүгүртүүнүн жашаш формасы катарында көрүнүү м-н, тил ошону м-н катар аң-сезимдин калыптанышында чоң роль ойнойт. Т. топтолгон билимдерди сактоонун ж- а аларды кийинки муундарга өткөрүп берүүнүн каражаты болуп кызмат кылат. Т-дин жардамы м-н абстракттуу ой жүгүртүү ишке ашырылат. Кийинки мезгилдерде тил жалаң гана лингвистиканын эмес, ошондой эле логиканын ж-а семиотиканын да изилдөө объектиси болуп жатат. Ушуга байланыштуу азыркы замандын неопозитивизми философиялык изилдөөлөрдүн бүткүл проблематикасын тилди логикалык талдоо ишине ыйгарып салууну көздөшөт.
Досторуңуз менен бөлүшүүнү унутпаңыз (ツ)