ШАЙЛООБЕК ДҮЙШЕЕВ - Инсандар - Макалалар - Студенттик портал - кыргызча рефераттар, макалалар
 

Кош келиңиз Мейман • Катталуу • Кирүү • RSS 
Башкы бет » Макалалар » Инсандар

ШАЙЛООБЕК ДҮЙШЕЕВ



Дүйшеев, Шайлообек (1950-жылы 23-февралда туулган) - кыргыздын чыгаан акындарынын бири. Кыргызстандын Эл акыны.

                Кыскача өмүр жолу

 Акын Шайлобек Дүйшеев Кыргызстандын Нарын облусундагы Борбордук Теңир-Тоо койнунда, Ат-Башы районундагы Ат-Башы кыштагында 1950-жылы 23-февралда туулган. 1968-жылы айылындагы орто мектепти аяктаган. 1968–1970-жж. Советтик Армиянын катарында кызмат өтөгөн.

1970–1975-жж. куруучу мекемелерде жумушчу, бетончу, Ат-Башы райондук гезитинде кабарчы болуп иштейт. 1980-жылы Кыргыз улуттук университетинин журналистика факультетин (ал кезде - филология факултетинин журналистика бөлүмүн) аяктаган. Ошол эле 1980-жылдан тартып Нарын облустук «Нарын правдасы» гезитинде кабарчы, облустук телерадио уктуруу комитетинде редактор болгон.

1983–1990-жж. Кыргыз филармониясында адабий бөлүмдүн башчысы, 1990–1996-жж. «Ала-Тоо» журналынын бөлүм редактору, «Кыргызстан маданияты» гезитинин бөлүм башчысы болуп иштеди.

1996-жылдан «Асаба» гезитинде кабарчы, редактордун орунбасары, биринчи орунбасары, «Агым» гезитинин кызматкери болуп иштеди.

2011-жылы акындын чыгармачылыгына арналган "Отко чуркаган бала" даректуу тасмасы тартылган (Режиссеру - Бакытбек Турдубаев) Учурда "Азаттык" үналгысынын Бишкектеги кабарчысы.

Ш. Дүйшеевдин чыгармалары 1968-жылдан бери жарыяланып келе жатат.

 

1985-жылы «Аптап» аттуу биринчи поэзиялык жыйнагы чыккан. 1987-жылдан Кыргызстан Жазуучулар Биримдигинин мүчөсү.

 

Сыйлыктары

2006-жылы "Кыргыз Эл акыны" наамын жана башка бир катар сыйлыктарды алган.

2010-жылы декабрда III даражадагы «Манас» ордени менен сыйланган.

Байдылда Сарногоев атындагы Эларалык сыйлыктын ээси.

2012-жылы "Эки дөөнүн күрөшү" чыгармасы үчүн Токтогул атындагы мамлекеттик сыйлык ыйгарылган

 

Чыгармалары

"Аптап" ырлар жыйнагы. Фрунзе, 1985.

Сүйлөшкөнгө чейин сөз: Ырлар. – Ф.: Адабият, 1989. –72 б.

Кайдыгерлик: Ырлар. – Ф.: Адабият, 1991. – 80 б.

Тайгүлүк: Ырлар. – Ф.: Адабият, 1991. – 16 б.

Арабадагы ыр: Публицистикалар, пародия, айтыш, тамаша, обондуу ырлар, поэмалар жана кара сөздөр. – Б.: Шам, 1999. – 384 б.

Арабадагы ыр 2.– Б.: Педагогика, 1999. – 430 б.

"Эки дөөнүн күрөшү”. Бишкек, 2010.



Нравится
Добуш бер
Бөлүм: Инсандар | Кошкон: Admin (24.09.2012)
Кароолор: 4095 | Тегдер: Шайлообек, Дүйшеев | Рейтинг: 1.8/4

Жактыбы? Анда досторуң менен бөлүш



Окшош материалдар
       



 
Жогору ↑