Биздин универде ушундай окуя болгон.
Экзамен… Баардыгыбыз билет алып, жазып, даярданып отурабыз. Мугалим болсо отуруп алып эле ручка менен партаны тыкылдатып аткан. Бир топко чейин ушинтип тыкылдатып отурду. Бир маалда 3 студент ордуларынан туруп, мугалимге зачеткасы менен барышты. Мугалим аларга «5» коюп, студенттер аудиториядан чыгып кетишет.
Көрсө, мугалим партаны тыкылдатып «Морзе алиппеси» менен «Ким 5 алгысы келсе, зачеткасы менен келсин» деген билдирүү таратыптыр. Бир студент аны түшүнө калып жанына эки досун ээрчите барган экен.
