ОКУТУУ ПРОЦЕССИНДЕ ОКУУЧУЛАРДЫН ОЙЛООСУН ӨНҮКТҮРҮҮ

Кээде сабактын тарбия берүүчүлүк функциясын күчөтүү максатында айрым мугалимдер жасалма түрдө кошумча материалдарды көп пайдаланышат. Мындай «чыгармачылыктын» зыянынан башка эч бир пайдасы жок. Мисалы, математика же биология сабагында мугалим партиянын съездинин материалынан өтө көп сандаган ашыкча цитаталарды келтирет. Окуучулар аларды баамдап түшүнө алышпайт, анткени ал цитаталардын бул теманын мазмуну менен конкреттүү байланышы жок болот. Ошондуктан окуучуларга мындай ашыкча цитаталарды айта берүүнүн зарылчылыгы деле жок.